(Sch)merz in der Wüste – Schnitzelbängg 2010

Posted on Februar 27, 2010 von

1


An der Basler Fasnacht bekommen alle ihr Fett weg… Hier eine Zusammenstellung der besten politischen Schnitzelbänke 2010:

Bundesrat im Generellen…

Dä Bäärezwinger z Bäärn isch luftig,
nimme alt und gruftig.
Für d Bääre hets deert zwische de Hegge,
viil diskreeti Egge.
Si könne sich zämme, wenn si sich schämme,
ins Hyysli go verstegge.
E soone grüümigs Biotoop
bruuchti au der Bundesroot.
(«D Doolesuuger»)

… und Merz im Speziellen

Miir isch augentlig jeede Mooned rächt.
Durmm gfallt mer dr Hoornig au nit schlächt.
I wäär allerdings scho zimmlig froo,
wenn s in Zuekunft ooni Merz däät goo.
(«D Bildsteerig»)

Dr Hans-Ruedi Merz – das duet mi zimmligg schogge
schnoogt ibere Büroboode in de Sogge
er rieft verzwiflet- s lüütedt in de Oore
wo sich my Gsicht – y glaub y has verloore
(«Dr Vogel Walther (vo dr Waid)»)

Ladäärne 2010: «Alti Stainlemer»

 

Obama

Lauft soone Taliban nääbe uns duure
Haue miir däm voll ains in syyni Schnuure
Bi de Iraki geen miir stets uffs Ganze
Zerscht ain an d Schissle und denn ain in Ranze
Ganz e soo nobel schynt uns das zwoor nit
Doch s isch egaal wenn s dr Friidensbryys git
(«Die Unerheerte»)

Schulpolitik

Will aini bim Hirschmann ins Lokal,
längt doo kai Stutz, äär mechts oral.
Äär zeiggt, wo aane d Erziig goot,
wenn me Friefranzeesisch falsch verstoot.
(«D Bildsteerig»)

Minarette / Islam

Z Italie griegt dr Bresidente
e Dom an Grind, genau al dente
mer verbiete drum, haissts uss Rom
statt Minarett bi uns dr Dom

(«Dipflischysser»)

… unter Moslem oder Grischtä
Git s halt laider Extremischte.
Doch – mir hänns scho immer gsait –
Die sinn in der Minderhait.
Denn Glaube haisst: sy Friide finde
Freiyhait findsch nit dur Verbott:
Unsere isch au Eure Gott!
(«d Lälli» Zeedeldichter)


Posted in: Events